今轮英超压轴战，利物浦周二凌晨於晏菲路球场迎战水晶宫。利物浦首战作客富咸失分，今仗返主场肯定会抢攻，水晶宫近12次斗红军输晒，今场都好难爆冷，当中近5次联赛交手全部半场落後，睇好利物浦半场可以搞掂，热捧半场主胜。（Now 621周二凌晨3时直播）

利物浦英超首战作客富咸，一致被睇好，客W只系得1.2倍，结果爆冷以2比2逼和富咸。不过球赛形势一面倒，红军控球率达67%，而且新兵达云纽尼斯已经融入球队，佢同穆罕默德沙拿各入一球，今场只要发挥正常，面对水晶宫唔难再搵到入波。

啱啱呢个星期六，红军睇住两大劲敌曼城大胜、曼联大败，利物浦既要追分，又怕好似红魔咁突然大败，最好方法梗系利用强劲攻力，早早入波稳住个胜局。

水晶宫上季搵嚟韦拉执教，表现的确有所提升，不过球队实力同劲旅始终有一定距离，上场主场对阿仙奴都要吞两蛋，而且水晶宫多年来面对利物浦都系捱打，近12次交手全败，其中近5次联赛碰头，红军半场都可以取得领先优势，预料利物浦今仗可以早早打开纪录，半场主胜热都要捧。