英超冠军曼城正式宣布，签入比利时球队安德列治嘅左後衞沙治奥高美斯，双方签约4年，转会费为1,500万欧元，呢位西班牙新星获得名宿大衞施华嘅21号球衣。

现年21岁嘅沙治奥高美斯曾於巴塞隆拿及多蒙特青年军受训，试过为多蒙特出战德甲，但只上阵2次，其後被外借去西班牙球队侯尔斯卡，上年夏天转投安德列治，上季上阵49场入7球，佢除咗踢左闸之外，亦可胜任进攻中场。

由於曼城出售咗辛真高之後，得番祖奥简斯路1位左闸，签入沙治奥高美斯之後，可以作为祖奥简斯路嘅副选。