利物浦中场伤兵众多，盛传拿比基达亦有意离队，对於「红军」系咪会再出手买人，领队高普喺「双红会」前就作出回应，不过高普就化身太极高手，答完记者问题同冇答过一样，球迷只能拭目以待。

利物浦依家有堤亚高艾简达拿、阿历士张伯伦同居迪斯锺斯3名中场养伤，有记者问高普会唔会喺转会窗完结前买人，高普就表示：「买新中场？如果合适嘅人选依家唔能够转会，我哋会用现有嘅资源去比赛，如果有新球员加盟当然就最好啦！」

被问到拿比基达嘅去留系咪影响买人嘅主要因素，高普再次大耍太极：「拿比基达唔会走，但如果佢真系走，虽然呢件事唔会发生，咁我哋就一定要买人嚟替补。」