采用「古天奴模式」 拜仁加入争夺迪庄
2022-08-25 来源: 八一体育 点击
巴塞隆拿中场法兰基迪庄今夏一直成为曼联同车路士嘅争夺目标,德甲班霸拜仁慕尼黑依家亦加入争夺战,据悉拜仁想采用当年向巴塞借用菲腊比古天奴嘅方式签入法兰基迪庄,将来可以买断呢位荷兰国脚。
拜仁慕尼黑3年前以「先借後买」方式向巴塞签入菲腊比古天奴,但因为呢位巴西国脚表现未如理想,拜仁最後并冇启动买断条款。
西班牙《每日体育报》指拜仁可能再次用「先借後买」签法兰基迪庄,除咗支付借用费之外,仲会负担法兰基迪庄嘅全额人工。巴塞既可以腾出薪酬空间,亦唔会失去法兰基迪庄嘅拥有权,绝对系一举两得。
对於拜仁而言,亦唔需要立即付出巨额转会费,仲可以睇埋法兰基迪庄表现,将来再决定是否买断佢,呢个方案对两间球会都有利。
值得一提,拜仁今夏已经签入荷兰国脚马菲斯迪历特,法兰基迪庄同呢位中坚既系同胞,又系前阿积士队友,或者会有兴趣去拜仁同佢合作。
上一篇:曼联斟德国门将 要令迪基亚有危机感 | 下一篇:【有片】拜仁派7蛋 纽亚食住香蕉睇骚 |
相关阅读
- 08-25曼联斟德国门将 要令迪基亚有危机感
- 08-25采用「古天奴模式」 拜仁加入争夺迪庄
- 08-24【有片】拜仁派7蛋 纽亚食住香蕉睇骚
- 08-22英超早场 睇「孙仔」表演
- 08-22【有片】大奇迹日 不来梅末段入3球反胜多蒙特
- 08-22车仔新兵挞着 轰「列」抢W
- 08-20【足球西游记】旅欧日本足球选手的新天地 - 比利
- 08-20德国名将Mario Gomez宣布退役
更多>>精选阅读