上季被打入冷宫嘅曼联前锋安东尼马迪尔，1月外借西维尔嗰阵已被认定「冇得返转头」，不过自从坦哈格上任後，呢位法国前锋有复勇迹象。英国《太阳报》报道，曼联准备同安东尼马迪尔提早倾续约，显示对佢仍有信心。

安东尼马迪尔喺季前热身表现出色，坦哈格已讲明佢系「计划重要部份」，虽然开锣前受伤，但佢对利物浦一役复出後备上阵即交助攻，证明自己仍有立足之力。《太阳报》消息指，坦哈格已要求曼联尽快同佢续约。

安东尼马迪尔同曼联仲有差唔多2年合约，周薪高达25万镑，为免佢下季进入合约「最後1年」嘅割价时间，曼联有需要尽快同佢续约。