贵为「麦总」嘅巴黎圣日耳门前锋基利安麦巴比，连拣女友嘅口味都零舍不同，近日传出呢位法国国脚，搭上一名变性模特儿，真系估佢唔到。

据报麦巴比自从与女演员Emma Smet分手之後，就开始与Ines Rau交往，喺今年5月康城影展已经蜜运，之後更一齐坐游艇出海，「麦总」仲抱起Ines Rau，状甚温馨。

32岁嘅Ines Rau喺法国出世，父母系阿尔及利亚人，16岁已进行变性手术，24岁公开身份，并於2017年11月成为《花花公子》模特儿，1年後更推出自传，剖白变性嘅心路历程，不过佢同「麦总」暂时未有回应传闻。