今届世盃喺11月21日开锣，足智彩系统全面提升後，世盃嘅「冠军」及「小组首名」均已提早开卖，正所谓「早买早享受」，有心水不如早啲玩少少，到时睇波就更投入啦！

今届世盃「冠军」方面，论个人质素，上届冠军法国应是列强中数一数二，若然「高卢鸡」顺利以首名出线，便可处身下线。其实法国最大隐忧只系冠军魔咒，因为过去5支世盃衞冕球队，有4支踢完分组赛已经出局，包括2002年嘅法国，若仅以人脚实力计算，无疑系热门之选。

法国若然喺16强处於下线，最强对手预计系英格兰、比利时或葡萄牙，不过「三狮兵团」於去年欧国盃已展示出球队弱点，就系领队修夫基嘅调兵遣将同临场应变能力，若情况未有改变，英格兰确难与群雄争霸。至於比利时黄金一代老退，出现青黄不接问题。葡萄牙对C朗依赖症仍未有改善，进攻板斧略嫌单调，料难对法国构成威胁，因此只要法国打入决赛，到时可再制订投注策略，「冠军」一於捧法国。

冷选向上线埋手，上线会有A组、C组、E组及G组首名，预计都系荷兰、阿根廷、德国及巴西呢几队。巴西系顶头大热，亦系唔少球迷嘅心头好，不过如果想搵半冷，不妨谂谂荷兰。荷兰一向嘅问题就系唔够团结，「山头文化」严重，不过今届由三度出山嘅名帅尹戈尔领军，佢年初自己公布患上前列腺癌，但备战世盃外时一直瞒住球员，一心带埋「橙衣军团」出战决赛周先至退休。呢个消息令到荷兰内部非常团结，加上「橙衣军团」不乏球星坐镇，确系「冠军」半冷之选。