今届世盃大热门是巴西及法国，不过神射手谁属则是另一个战场，近11届世盃数字显示，当中8次攻入6球就能捧走金靴，另有两届只须5球就能问鼎神射手，换句话说近年世盃神射手的最低门槛是5球，入6球的话已经相当稳阵。

迪比系荷兰近年表现比较稳定嘅前锋，虽然射术一般，但胜在属於「橙军」必然正选，比赛中迪比获两翼及中场源源不绝供应，令他保持稳定入球数字，最重要今届喺A组入面，有史上最弱主办国卡塔尔，为迪比提供疯狂数胡嘅好机会，随时未到淘汰赛已经揸住几个入球喺手，值得跟进。

今届已经系「球王」美斯第5次征战世盃，亦可能系佢嘅最後一次，近年阿根廷实力提升，美斯亦於去年首次喺美洲国家盃夺冠，一圆国际大赛捧盃宿愿，今届C组有鱼腩沙特阿拉伯，美斯如果喺呢场「戴帽」，金靴奖就有胡叫。

尼马赛前表明今届系佢最後一次出战世盃，今季法甲所见，专心踢波嘅尼马展现球王本色，入球及助攻数据均非常突出，佢既系国家队精神领袖，亦系球队嘅罚球及12码刽子手，加上队友们众星拱照般不停输送，今届赛事随时大爆发。

虽然C朗今季喺曼联沦为後备，入球数字亦偏低，但佢喺国家队仍然是一把锐利嘅尖刀，去年打破伊朗传奇前锋戴伊嘅国家队入球纪录後，现时仍将纪录不断推高，而且葡萄牙近年实力不断壮大，C朗只须喺门前待机会出现就有波入。

4年前俄罗斯世盃法国夺冠，基利安麦巴比横空降世，经历去年欧国盃失利後，今届赛事卷土重来，与宾施马组成一老一少双箭头组合，更系入球保证，加上今届D组有实力较弱嘅澳洲，基利安麦巴比喺小组赛定必全力数胡。

来自东欧嘅波兰实力一般，未必能够小组出线，但「神锋」罗拔利云度夫斯基绝对会喺小组赛中拚尽全力，争取入球，3场对手阿根廷、墨西哥、沙特阿拉伯，都系力争「士哥」嘅重要时刻，特别系沙特，绝对系「罗拔佬」争夺神射手嘅重要一战。