今夏由车路士转投皇马嘅德国後衞鲁迪格，今轮西甲为皇马补时入波大胜4比1，呢个入球，亦系佢个人4大联赛都有入球，成为梅斯达菲後德国第2位达到此成就嘅球员。

鲁迪格生涯踢过史特加、罗马、车路士，喺德甲、意甲同英超都有入波，分别系英超9球、德甲2球、意甲2球，最新呢个西甲入波，令佢成为个人喺4大联赛都有入球嘅球员。

喺鲁迪格之前，德国球员喺本世纪只有梅斯达菲达到此成就，梅斯达菲踢过森多利亚、华伦西亚、阿仙奴、史浩克04及利云特，同样系意甲、西甲、英超同西甲有士哥，分别系意甲1球、西甲7球、英超7球同德甲1球。

鲁迪格入波後，佢嘅中坚拍档阿拉巴喺社交网发帖祝贺，附上两人握手照片，留言话：「非常好嘅逆转，祝贺鲁迪格入波！」