孙兴民再交耻辱数据 干地威胁贬做後备
2022-09-15 来源: 八一体育 点击
热刺喺欧联输畀士砵亭,尝到今季首场败仗,状态低迷嘅南韩前锋孙兴民虽然继续正选上阵,但表现全无起色,呢位英超金靴今仗更交出0射门嘅耻辱数据,连名将荷度都话睇得出佢信心尽失。赛前领队干地话会考虑将孙兴民贬做後备,今场之後似乎要坐言起行。
孙兴民上季大放异彩,成为英超史上第1个亚洲金靴,点知今季表现判若两人,开季8场比赛场场正选上阵,但就交出0入波、1助攻成绩,唯一助攻仲系喺英超开锣战交出。孙兴民今场对士砵亭0射门,5次扭波只得2次成功、5次传中全部交失,结果72分钟就被换人。
热刺名将荷度表示:「我认为孙兴民系好好嘅球员,但佢真系踢得好差,每次拎波都好担心会控唔好,如果系一个有信心嘅球员,佢拎波前应该谂紧下一步要点做,而唔系好似孙兴民依家咁样。」干地赛前强调球队冇必然正选,踢得唔好就要做後备,矛头直指孙兴民。
上一篇:车路士新帅效应 睇下有冇料到 | 下一篇:FIFA传召卡斯迪路 厄瓜多尔命运周四决 |
相关阅读
- 09-15热刺补时吞2蛋 干地系欧联黑洞?
- 09-15沙拿大翻身 打破谢拉特神级纪录
- 09-15保利又出丑!沙拿、迪布尼当车仔青训?
- 09-15FIFA传召卡斯迪路 厄瓜多尔命运周四决定
- 09-15沙拿破欧联入球荒 利物浦奇兵绝杀阿积士
- 09-152022/23欧洲协会盃—卧虎藏龙 值得关注的冷门劲
- 09-1536岁迪斯高1射1传 国米欧联开斋
- 09-15拜仁再做巴塞克星 罗拔仔倒戈冇料到
更多>>精选阅读