皇家马德里今季气势如虹，就算王牌前锋宾施马受伤缺阵，「银河舰队」仍然战无不胜，周一(19日)作客击败马德里体育会一仗，乌拉圭中场费达历高华维迪继续爆发，呢位24岁球星连续第3场入波，有望「保住」安察洛堤嘅教练执照！

费达历高华维迪上周中欧联入波後，皇马教练安察洛堤表示：「上季好奇怪，佢(华维迪)只系入咗1球波，如果唔可以令佢一季入10球或以上，我应该撕烂自己嘅教练牌照，直接退休。」费达历高华维迪近期改踢翼锋，连续3场入波後今季已有4球进帐，以佢嘅走势大有机会有双位数入球。

安察洛堤喺对马体会後再赞扬：「洛迪高同华维迪非常特别，佢哋系现代足球员嘅典范，现代足球员需要全能，体力、技术兼备，仲要可以踢多个位置，好开心皇马拥有洛迪高同华维迪呢啲球员。」