今晚欧国联A4组重头戏，波兰主场迎战荷兰，两支世盃决赛周球队交锋。荷兰喺今届欧国联录得3胜1和，包括作客4比1大炒比利时，表现突出，无论球队质素或近况都唔错，不过波兰射手罗拔利云度夫斯基亦弗到漏油，主场出击有望取得入波，2.5球入球大玩得过。

（周五凌晨2时45分开赛）

荷兰旧年喺世盃欧洲区外围赛一早锁定首名出线，今年利用「高级版热身赛」欧国联试阵及加强磨合，世盃阵容逐渐成型，不过两名正选後防华基尔云迪积克同马菲斯迪历特，今季喺利物浦同拜仁慕尼黑都有啲回落，後防并唔算好稳阵。

好彩「橙衣军团」中场人才辈出，法兰基迪庄表现愈见成熟，两翼杜费斯、戴利白兰特及前锋迪比，相信都系荷兰喺今届世盃争胜主力，趁住欧国联档期定必争取表现及提升状态。今场亦系两名巴塞前锋迪比同罗拔利云度夫斯基嘅对决，特别系迪比，呢名28岁射手喺巴塞失去正选席位，嚟到国际赛势必搏尽「数胡」，佢喺今届欧国联已累积射入3球，包括对比利时梅开二度，以及上仗3比2险胜威尔斯攻入绝杀球，今仗随时再有士哥。

波兰34岁神锋罗拔利云度夫斯基今季转投巴塞後入球不断，另一箭头施连斯基喺拿玻里亦表现出色，曾经喺欧联斗利物浦时梅开二度，玩残荷兰嘅华基尔云迪积克，有力同荷兰斗攻。睇番「风车国」近4场总入球全开3球或以上，入球大值得信赖。