巴甲今轮压轴战，山度士主场斗榜尾嘅青年人。力争下届南球盃入场券嘅山度士，距离前10只系3分之差，仲有机会出席下届南美赛事，3分志在必得；青年人近7场作客全败，今场好难爆冷，山度士让一球照捧上盘。（周二早上7时开赛）

褪色劲旅山度士近年主要喺中游徘徊，唔计省联赛，最近一次捧盃已经系2011年南美自由盃同翌年嘅南美超级盃，今年佢哋仍然要为一张南球盃入场券张罗。今季佢哋打起咗19岁巴西前锋马高斯李安纳度，呢位自家青训产品，今季为球队射入10球，预计喺青年人身上搵到食。

青年人上周中主场同哥连泰斯踢成2比2，4和7负将不胜纪录加到11场，而且佢哋作客坚唔掂已经7连败，山度士必把握对手颓势博反弹，上盘玩得过。