拜仁慕尼黑周六公布，汤马士梅拿及甘美治确诊新冠肺炎，将错过周二欧联对柏辛域陀尼亚赛事，其中梅拿已经系第3次确诊，取得「新冠帽子戏法」，甘美治亦第2次确诊，佢上次确诊後曾出现肺部纤维化，今次再中招未知病情会点。

拜仁公布，两名确诊球员将要隔离5日，将错过下轮欧联赛事，对於自己第3次确诊，汤马士梅拿并无特别感觉，当佢检测发现确诊後，更笑称自己系「新冠三冠王」。

汤马士梅拿首次确诊系去年2月，世冠盃决赛前夕中招，当时新冠全球肆虐，第2次中招系相隔一年後嘅今年2月，当时佢正值状态大勇，刚当选拜仁1月MVP，今次中招前，佢刚在上场德甲对法兰克福交出1传1射，依家又要休息。

至於甘美治首次确诊系去年11月，当时佢因为拒绝打疫苗，遭球会扣薪，确诊後出现肺部纤维化，休息咗两个月先康复，今次再中招唔知要抖几耐。