曼联重罚C朗停赛禁操 考虑提前解约!
2022-10-21 来源: 八一体育 点击
曼联同C朗拿度嘅童话故事面临悲情结局,随住C朗喺周四(20日)对热刺一仗提早离场,曼联周五(21日)凌晨发出声明,宣布唔会将C朗纳入周日(23日)作客车路士嘅大军名单。据报曼联领队坦哈格对C朗嘅行为已忍无可忍,除内部停赛外,亦禁止佢同一队操练,消息指坦哈格表明1月要踢走C朗,甚至考虑同佢提前解约!
曼联主场2比0赢热刺一仗,做後备嘅C朗被影到喺完场前4分钟自己返入更衣室,原本以为佢系不满冇份入替,但据《每日邮报》报道,C朗当时系拒绝坦哈格要佢入替嘅指令,而且赛後当全队庆祝紧胜利,C朗已经独自离开奥脱福球场。C朗喺季前热身已有类似行为,当时坦哈格就公开表示「不能接受」。
曼联嘅声明只系话C朗唔会参与同车路士嘅大战,不过英国《太阳报》报道,曼联已勒令C朗要单独操练,而且面临2星期人工罚款(约72万镑),消息指坦哈格今次行动系得到球会支持。据报坦哈格决心1月将C朗踢走,如果唔能够卖出,就算赔钱同C朗提早半年解约亦在所不惜。
面对曼联重罚,C朗随後亦发出声明,但就唔肯正面回应事件,亦冇就自己行为作出道歉,只系强调自己20年职业生涯一直尊重团队、希望成为模范球员,只系轻轻带出「不幸有时会被一时嘅情绪冲昏头脑」,强调自己会努力练波、支持队友、准备好每一场比赛,最後表示:「我哋好快会再一齐。」
上一篇:英格兰55人世盃初选名单 意外人选曝 | 下一篇:【官宣】维拉惨吞3蛋 谢拉特即时被炒 |
相关阅读
- 10-21运动视界啪EP.63-三大国际赛被取消!到底是人家
- 10-21英超22/23赛季-曼联2-0热刺
- 10-21曼联最强中坚组合 8次合作5次零封
- 10-21拜仁德盃过关 祖普莫亭效率劲过罗拔仔!
- 10-21【官宣】维拉惨吞3蛋 谢拉特即时被炒
- 10-21视线转移分心大法?人墙「露鸟」成热话
- 10-21曼联重罚C朗停赛禁操 考虑提前解约!
- 10-21柏基达膊头伤患严重 出战世盃成疑
更多>>精选阅读