法国球王施丹近日接受传媒访问时，透露自己就快复出教波，虽然佢冇讲明将会执教边一队，但如果以「最快」时间推测，好大机会喺12月尾世界盃结束之後，取代迪甘斯，接手担任法国国家队主帅。

施丹被《RMC Sport》问到有冇打算再教波时，佢话：「我好快会复出，再等多一阵，真系好快，我距离再次执教球队，已经唔远了。」施丹曾经率领皇马捧2次西甲、3次欧联、2次世冠盃等多项锦标，但佢2021年5月底离开皇马後，一直未有教波，曼联、巴黎圣日耳门曾经邀请施丹执教，但都被佢拒绝。

据悉施丹一直想执教法国队，法国主帅迪甘斯嘅合约就快届满，所以施丹好大机会喺今届世界盃之後达成心愿。