近日施丹宣布即将复出，舆论即时联想法国帅位问题，迪甘斯於卡塔尔世界盃後约满，法国足总主席利格列点出续约标准，就系法国队喺今届世界盃至少打入4强。

利格列表示：「一切冇变，我同迪甘斯会喺世界盃结束後见面，讨论续约事宜，我同佢合作咗10年，互相充分了解，大家都为法国队好，如果能达成法国队入4强嘅目标，迪甘斯将会系优先续约人选。」

虽然利格列强调迪甘斯系法国主帅最佳人选，但佢为迪甘斯定下世界盃4强呢个目标，反过来睇，就系假如入唔到4强，法国队就会换人，迪甘斯将会冇得留低，到时施丹就可明正言顺接棒。