英格兰公布世盃名单前，效力车路士嘅右闸列斯占士，周三(9日)率先喺社交网自爆无缘入选，形容因伤落选世界盃大军嘅结果令佢「心碎」。

列斯占士喺上个月对AC米兰撞伤膝头後，已经养伤接近1个月，据报佢经常连串治疗後，有望喺3个星期後复出，赶及为英格兰出战世界盃淘汰赛，不过领队修夫基似乎决定唔想冒险，列斯占士率先自爆冇份入围：「心碎！由我膝头受伤嘅第1分钟，我就知道要踢世界盃好擦水，但我一直觉得仲有机会，所以一直尽最大努力，希望可以有机会帮助球队。我明白呢个决定系一次冒险，但系我愿意尝试。祝英格兰队友好运，我会尽快回归。」