巴西周一(14日)播出最新一集综艺节目，内容系尼马及巴西国家队挑战高空控球，个波由无人机带到高空落下，再由球员控停，结果尼马成功控停35米高空落下嘅波，成班队友上前庆祝，仲忍唔住爆粗添。

呢集节目由Doming?o Huck主持，摄制时间系今年9月，当时电视台召集全体巴西国家队成员，一齐挑战控定由高空落下嘅足球，结果尼马成功控停35米高嘅波，打破云尼斯奥斯祖利亚喺2018年创下嘅29米纪录，当时「小云」仲未加盟皇马，仍效力法林明高。

35米即系有几高？如果一层楼有3米高，35米就超过10层楼咁高，我哋成日话个波飞到9楼咁高，依家尼马已经超越咗呢句说话，应该改成个波飞到10楼咁高，而且仲畀佢控到落嚟。

呢集综艺节目，当然系为巴西国家队出战世界盃前打气，见到尼马嘅高超球技，依家巴西亦人脚鼎盛，大家都对巴西抱有颇高期望，希望能第6度高捧大力神盃。