今晚意甲头场上演「护级6分波」，包尾嘅维罗纳主场硬撼尾2嘅克雷莫纳。虽然克雷莫纳系联赛唯一未开斋嘅球队，但作客表现特别硬净，加上近日有球队名宿维埃里离世，「帛金波」战意更盛，遇态沉嘅维罗纳，作客亦有力抢分而回，让球客胜咪错过。（Now 638周二凌晨1时30分直播）

克雷莫纳今季踢咗16仗联赛仍未开斋，系唯一未赢过波嘅球队，但仍比包尾嘅维罗纳多1分，同佢哋表现硬净有关。未计今轮，克雷莫纳有7场打和，系意甲其中一支和波最多球队，单计近5仗作客，就录得4和1负，可见客场唔易输波。虽然克雷莫纳复赛後首仗喺主场不敌祖云达斯0比1，但全场逼抢打法令对手冇乜计，去到补时失守认真唔抵。

前意大利国脚维埃里上周因胰脏癌离世，呢位曾效力森多利亚、祖云达斯、车路士等球队嘅球星，查实喺克雷莫纳出身，1980至1984年113次披甲攻入25球，带领克军升上意乙，之後再转投森多利亚。日前全队都有为佢默哀，而该队所在地伦巴底嘅克里莫纳市亦举行哀悼活动，市长甚至提出将克雷莫纳主场祖云尼辛尼球场，改名做维埃里球场。因此今仗无论系为护级抢分，抑或想用胜利送别「光头佬」，克雷莫纳战意必坚。

另一边厢，维罗纳复赛後首仗作客被拖连奴逼和1比1，近11仗联赛只得1和10负劣绩，差到冇朋友，单计主场亦录得5连败，未见反弹迹象。连同热身赛在内，两军近5次碰头，法定时间各得1胜3和1负，不相伯仲，克雷莫纳今场有得受让咁笋，让球客胜捧得过。