据英国《太阳报》报道，利物浦2位球星艾利臣比加同祖高美斯，最近搬入柴郡一个豪宅区入面住，有趣嘅系另外2位队友安德鲁罗拔臣、阿历士张伯伦都喺同一区居住，而呢个小社区最有名嘅住客就系曼联传奇领队费格逊，4位「红军」球星同费Sir有冇偈倾呢？

位於柴郡Wilmslow嘅一个私人地段，向来系曼联同利物浦球星嘅热门落脚地，费格逊系最先进驻呢个环境清幽嘅豪宅区，但近年开始被利物浦球员「入侵」，消息人士向《太阳报》表示：「费Sir嘅足球生涯大部份时间都同利物浦为敌，佢住喺Wilmslow一个好正嘅地方，但依家愈嚟愈多利物浦球员搬入去，先系安德鲁罗拔臣同阿历士张伯伦，最近到艾利臣比加同祖高美斯，佢哋仲讲笑话出街要垂低头，以免被费Sir嘅招牌『吹风机』喷喎！」报道指曼联中坚华拉尼都系住喺同一个社区。