车路士近期成绩沉沦，踏入2023年後10场只得1胜，喺联赛跌到落第10位，不过班主保利就漠视球迷换帅声音，据报仍然对领队朴达投以信心一票。除球迷不满之外，车仔更衣室似乎亦开始有有异样，堤亚高施华老婆日前更率先「赞」朴达系个饭桶！

巴西中坚堤亚高施华系车路士後防重心，亦系球队少数有稳定好表现球员，佢老婆Belle向来意见多多，经常就车路士问题发表评论，日前佢喺社交网贴巴西嘉年华嘅相片，有球迷就「踩场」借位炮轰朴达，并得到Belle赞好表示认同。

球迷向Belle留言话：「你可唔可以叫堤亚高施华自己教埋车路士，我哋依家有个饭桶领队，完全唔知自己做紧乜，佢甚至唔知自己教紧车路士，以为自己仲系教白礼顿。」