拉舒福特辛祖爆发之谜 同寸王徒弟有关
2023-02-22 来源: 八一体育 点击
拉舒福特上仗对李斯特城起孖,近17仗交出16球3助攻,另外查顿辛祖归队後亦状态冒升,上场同样有波入,两位红魔锋将有咁好表现,奥脱福看台上球迷呼唤「麦卡菲」名字,原来佢哋讲紧今季新加盟嘅曼联前锋教练,「寸王」摩连奴昔日徒弟,福仔同辛祖有咁好表现,完全系佢功劳。
麦卡菲系曼联教练团新成员,专门提高前锋能力,佢系前南非国脚,球员时代踢过阿积士、切尔达、波图、布力般流浪同韦斯咸,其中效力波图期间赢过欧联冠军,当时主帅就系摩连奴,退役後担任教练,虽然45岁嘅佢身型渐逐发福有大肚腩,但呢啲唔重要,最重要系佢识得点样调教前锋。
曼联操练中,麦卡菲对福仔同辛祖进行一对一训练,改善佢哋嘅埋门技术,而且佢懂多国语言,能以英、荷、西、葡语沟通,有效地同球员交流,佢对福仔嘅调教好全面,包括改善头槌,传授经验,有机会时更加冷静等。
目前拉舒福特已累积攻入24球,超越个人於2019至20年球季最佳纪录22球,曼联官方社交媒体出帖祝贺,并留言「依家只系2月」,意思系佢仲可以将入球数字推高。
上一篇:英联盃赢家!1个球员赢输都有冠军奖 | 下一篇:英联盃决赛门票遭宠物咬烂 球迷气愤卖 |
相关阅读
- 02-22逼宫行动开始?施华老婆「赞」朴达系饭桶
- 02-22一人球队?夏兰特死火曼城胜率急跌
- 02-22英联盃决赛门票遭宠物咬烂 球迷气愤卖狗
- 02-22成绩上升即掠水 曼联下季门票加价
- 02-22【2022卡达世界盃】简介瑞士男足国家队
- 02-22希亚路:银河舰队访红军 坐和望赢
- 02-22拉舒福特辛祖爆发之谜 同寸王徒弟有关
- 02-22利物浦残阵唔够砌 皇马下盘睇定食
更多>>精选阅读