曼联捧走英联盃，获得30枚奖牌，现时一线球员只得27人，分晒之後仲有3枚剩番，季中离队嘅C朗有冇份？英传媒报道，按规定曼联可自行分配，理论上C朗可以获得奖牌，更有球迷讽刺指C朗直情系「夺冠功臣」。

C朗同曼联喺世盃前宣布解约，总结佢今季为曼联上阵16场入3球，英联盃虽然0上阵，但都算系球队一分子；自从C朗离队，曼联立即大爆发，一举夺得英联盃宝座，有球迷戏称C朗系「大功臣」，分个奖牌畀佢「实至名归」。

睇番历史，C朗第一次效力曼联时期曾两夺英联盃冠军，如果今次曼联捧盃都入佢数，佢嘅冠军总数将增至35个。

C朗会否获得奖牌，要视乎曼联态度，而之前车路士喺2014至15球季夺得英超冠军，当时3位球员穆罕默德沙拿、舒贺尔尼同舒华沙分别因外借、离队或上阵时间不足，但仍获得会方分发冠军奖牌。