卡利奥斯8次扑救赢掌声 一样嘢被弹!
2023-02-28 来源: 八一体育 点击
纽卡素喺英联盃决赛饮恨而回,赛前焦点人物卡利奥斯,相隔728日後首次喺正式赛事上阵,而且一踢就系决赛,唔少球迷都担心呢位有「虾碌」前科嘅门将会出事。不过呢位德国门将今场表现出色,全场作出8次成功扑救,2个失球都责任唔大,演出赢得球迷掌声。
由於正选门将尼克普比停赛,2号门将杜巴夫卡又唔合上阵资格,令卡利奥斯要临危受命把关,佢亦高接低挡救出8次攻门,纽卡素领队艾迪侯域赛後表示:「佢踢得好好同好全面,连分波都做得出色,当我哋落後焗住要进攻嗰阵,卡利奥斯作出精彩扑救,佢可以为自己今日嘅演出自豪。」
球迷对卡利奥斯喺决赛演出都系赞扬,不过佢今仗所戴嘅手套就畀唔少人弹,对啡色手套非常「复古」,大批网民留言:「呢对手套系咪二战时期嘅物品?」「点解同我爷爷对手套一样?「我知卡利奥斯好耐冇踢,系咪要去工作坊临时整对出嚟?」
上一篇:天生胜利者!卡斯米路近9次决赛全捧 | 下一篇:43岁细哨出山 200万人线上观看 |
相关阅读
- 02-28卡利奥斯8次扑救赢掌声 一样嘢被弹!
- 02-2843岁细哨出山 200万人线上观看
- 02-28【足球西游记】日本内马尔在海鸥群里悄悄崛起 -
- 02-28英超22/23赛季-热刺2-0切尔西
- 02-28天生胜利者!卡斯米路近9次决赛全捧盃
- 02-28曼城「秘密收购」闪电上位 成秘密武器
- 02-28麦巴比又要倾续约 倾唔成将挂牌出售
- 02-28美斯解锁球会700球 今晚拎世界足球先生
更多>>精选阅读