上年夏天由曼联重投祖云达斯嘅保罗普巴，周三(1日)凌晨意甲终於回归，上演佢喺祖云达斯嘅「首演2.0」。保罗普巴喺68分钟後备上阵，协助祖云达斯喺尾段连入2球，主场4比2反胜拖连奴，教练阿里基赛後表示满意呢位法国中场嘅表现。

保罗普巴喺季前热身受重伤，今场系佢时隔315日後首场正式赛事，亦系佢重返祖云达斯後首演。祖记今仗开波2分钟就失守，上半场两度落後下追番2比2平手，换边後战况胶着，阿里基喺68分钟一口气换入保罗普巴等3人，成功扭转战局。

71分钟基尔臣比尔马接应费达历高基艾沙传中顶入，10分钟後拉比奥特接应罚球近门铲入，协助祖云达斯赢4比2完场。阿里基赛後表示：「好开心保罗普巴有个美好嘅回归，我哋需要唔同特质同新鲜嘅球员，尤其之後3日一战，轮换非常重要，保罗普巴後备上阵踢得好好。」