曼联12码赢白礼顿 史上首场曼市决赛诞生
2023-04-26 来源: 八一体育 点击
英足盃决赛破天荒上演「曼市打吡」!周日(23日)英足总4强赛事,曼联同白礼顿喺温布莱球场激战120分钟互无纪录,最後互射12码踢到突然死亡阶段,曼联先至以7比6赢出,有望继拎到英联盃冠军後,实现本土盃赛「双冠王」美梦。曼联决赛将会硬撼曼城,亦系史上首次出现呢两支同市劲旅合演嘅盃赛决赛。
阵容不整嘅曼联今场发挥理想,虽然白礼顿占据主动,但佢哋嘅反击亦甚具效率,攻门次数系15次(白礼顿)对14次(曼联),若非两队西班牙门将罗拔山齐士同迪基亚都有出色表现,绝对唔会互交白卷。互射12码阶段,双方头6轮全部射入,但白礼顿第7轮嘅苏利马治一射冲天,曼联就由域陀连迪路夫射入致胜一球,成功杀入决赛。
今次系曼联历来第21次杀入英足盃决赛,追平阿仙奴保持嘅最多次入决赛纪录,「红魔鬼」将会喺6月3日同曼城争夺冠军,亦系呢两支曼市死对头,史上首次喺盃赛决赛争霸,令呢场王者战更有睇头。曼联想做英联盃同英足盃「双冠王」,曼城亦力争做英超、英足盃同欧联「3冠王」,恶战难免。
曼联领队坦哈格赛後多次强调,佢哋会「付出所有」去完成捧盃使命:「(决赛)我哋会付出所有去争胜,当我话付出所有,即系会付出超过100%嘅能力。我哋要付出所有去送畀球迷第2个冠军,要赢曼城唔容易,佢哋有一支伟大嘅球队,但我哋都有一支伟大球队,无论系我、球员定职员,都会付出所有去完成目标。」
上一篇:尤文图斯队史首位亚洲球员,朝鲜人民 | 下一篇:【英超】地头龙维拉追击富咸 |
相关阅读
- 04-26【英超】地头龙维拉追击富咸
- 04-26希斯基:悉尼作客可捕「狮」
- 04-26曼联首次接触哈利卡尼 周薪30万镑
- 04-26军医拒绝沙列巴顶硬上 阿仙奴中门大开
- 04-26艾美利重召旧部 卢施素有望投维拉
- 04-26球季即将收咧好失落?唔怕!2女神+3大盃赛陪住你
- 04-26师徒对决一面倒 哥迪奥拿「疏远」阿迪达
- 04-26尤文图斯队史首位亚洲球员,朝鲜人民C罗「韩光成
更多>>精选阅读