传法兰基迪庄答应减薪 留巴塞改踢中坚?
2022-07-26 来源: 八一体育 点击
法兰基迪庄转会风波再有新发展,据西班牙传媒报道,巴塞隆拿教练沙维同法兰基迪庄会面後,就留队方案有「满意进展」,传闻呢位荷兰国脚将同意减薪50%,而沙维更表示新球季考虑将法兰基迪庄转去踢中坚!
西班牙《阿斯报》报道,沙维同法兰基迪庄喺美国进行会面,沙维向佢解释球队处境,表明个人希望法兰基迪庄留低,但如果要巴塞成功留人,法兰基迪庄就要答应减薪50%,报道指会议结束後,双方都觉得「满意」,令留队机会大大增加。
法兰基迪庄近期为巴塞踢热身赛,後备上阵都系踢中坚,有传沙维系故意唔畀佢踢中场,沙维就否认:「我冇谂过咁做(逼走法兰基迪庄),我好锺意佢,佢喺中坚位可以为球队带嚟贡献,我几锺意佢踢呢个位置。」
事实上,法兰基迪庄喺阿积士有一段时间拍住马菲斯迪历特踢双中坚,喺朗奴高文执教巴塞隆拿期间,亦曾经客串踢3中坚入面嘅自由人,所以佢对中坚位置并唔陌生。
相关阅读
- 07-26罗拔仔接班人!拜仁3,000万欧元签17岁天才
- 07-26英格兰女足秘密武器 巨人中坚变中锋
- 07-26曼联小将迟到遭坦哈格封杀 可能系新C朗
- 07-26哇!足球天才的爸妈都是A片明星
- 07-26谢绝加盟!马体会球迷发起「反C朗运动」
- 07-26利物浦CEO:夺英超欧联双冠可得赞助商600万镑奖
- 07-26爱华顿考虑炒鱿 迪利阿里即入2粒
- 07-26英超:利物浦0-1切尔西 Tuchel的赌注
更多>>精选阅读