将於周四(12月1日)凌晨举行嘅世界盃C组生死战，波兰对阿根廷，当全世界球迷目光都集中喺双方射手罗拔利云度夫基斯同美斯嘅时候，其实波兰中场施连斯基可能先至系今场关键人物。呢位效力拿玻里嘅全能战士今季多次喺重要关头入波或者助攻，波兰能否出线就睇佢表现。

28岁嘅施连斯基2016年加盟拿玻里，并奠定主力地位，佢今季表现大熟大勇，代表作一定系9月欧联对利物浦，射入2及1次助攻，率领拿玻里主场大胜红军4比1。

施连斯基今届欧联已入3球及2次助攻，喺意甲亦有3球进帐，拿玻里今季联赛及欧联双线大爆发，呢位中场大将功不可没。

施连斯基延续踢球会勇态，佢上仗世界盃为波兰射入打开纪录嘅1球，演出比「罗拔佬」更加抢镜，势必成为阿根廷心腹大患。