今晚英超补赛，富咸主场同车路士合演伦敦「富林区打吡」。富咸愈战愈勇，世盃後联赛连盃赛4连胜，主场出击必定趁旺势追击车路士。「蓝战士」近期伤兵满营，主要集中喺中後场，对同区宿敌随时以攻代守，今场推介2.5球入球大。（Now 621及611周五凌晨4时直播）

富咸系英超今季3支升班球队入面，表现最佳一队，现时排喺第7位，比少踢一场嘅西伦敦同区球队车路士，仲要多3分，呢个暂时亦系球队近年喺英超嘅最佳成绩。富咸圣诞新年快车加埋英足盃，豪取4连胜，当中英超3连胜更系近10年第一次，状态弗到漏，即使今场塞尔维亚前锋阿历山大米祖域因累积黄牌停赛，其余球员都可顶替入波责任。

此外富咸今季喺卡云农舍球场表现出色，只不敌新土豪纽卡素及状态大勇嘅曼联，进取踢法每每令对手透不过气，今季9场主场联赛，8次开3球或以上，预料今仗一样会对伤兵满营嘅车仔展开狂攻。

朴达保乌纱尽地一煲

车路士受伤兵问题影响，状态极度低迷，近7场正式赛事只得1胜1和5负，尤其近两场分别喺英超及足总盃畀曼城双杀，今场再输领队朴达真系会乌纱不保。好彩佢哋对上7次联赛对富咸全胜，心理上有番啲优势，既然球队十字兵重灾区集中於中後场，倒不如放开怀抱同富咸斗攻，预料会系一场入球骚，推介入球大。