意大利神童26秒入世界波 劲过迪肯尼奥!
2023-01-19 来源: 八一体育 点击
周四(19日)凌晨英足盃第3圈重赛,列斯联主场以5比2大炒卡迪夫城,意大利19岁新星基诺图光芒四射,佢喺开波26秒就「凌空铰剪脚」入波,被网民大赞「劲过迪肯尼奥」,列斯联领队马殊亦对佢有赞冇弹。
列斯联今场26秒就由基诺图轰入金球,洛迪高34分钟拉开纪录,基诺图36分钟再建一功半场领先3比0;列斯联下半场继续进攻,班福特梅开二度扩大纪录到5比0,卡迪夫城尾段入番2球挽回多少面子,但列斯联仍赢5比2晋级第4圈。
19岁嘅基诺图系意大利国脚,上年夏天以400万镑由FC苏黎世加盟,近期喺列斯联极速上位,佢今场嘅「凌空铰剪脚」入波,令人谂起意大利名将迪肯尼奥喺2000年,代表韦斯咸射爆温布顿嘅经典窝利,唔少网民更留言:「劲过迪肯尼奥!」
列斯联领队马殊赛後亦表示:「基诺图好聪明,佢先攞身位为自己制造空间,就啱脚位轰入精彩一球。基诺图有智慧、谦虚兼且不断求进,我肯定佢依家嘅身价唔止400万镑!」
相关阅读
- 01-19同场过关速报!墨超原来有好路?
- 01-19重拾魔性勒唔住 曼联弗爆强袭水晶宫
- 01-19阿仙奴发火 豪出8000万镑抢购迪格兰赖斯
- 01-19球证偏帮曼联?麦汤米尼12码被「打劫」
- 01-19[世界盃资格赛在台湾] - 赛前报导:伊拉克vs中华
- 01-19英国首富正式竞购曼联 望今季结束前成事
- 01-19美斯世盃後首战波衫拍卖 中国买家破纪录成交
- 01-19C朗太嘴刁 「退休屋」大厨冇人敢应徵
更多>>精选阅读