拉舒福特同曼联今夏约满，去年底触发延长1年条款，至2024年6月，令双方仲有1年半时间倾续约，胜出曼市打吡後，福仔嘅续约谈判已开启，曼联有信心续约，据报开出周薪30万镑顶薪，亦系球队薪酬上限。

《曼彻斯特晚报》报道，25岁嘅拉舒福特现时周薪为20万镑，曼联续约谈判打算将其周薪调高到30万镑，同卡斯米路及减薪後嘅迪基亚睇齐，因为曼联同周薪50万镑嘅C朗解约後，准备重整薪酬架构，顶薪定喺30万镑，福仔续约後，将成为球队顶薪球员。

近年不时有消息传出，巴黎圣日耳门对拉舒福特感兴趣，特别系福仔合约即将到期，可谓传闻不断，甚至有传PSG主席艾卡理化早前约见福仔，不过呢位英格兰国脚近期连场交出士哥，近7仗入8球，包括曼市打吡绝杀曼城，今季已累积16球，系球队首席射手，曼联决定开顶薪条件留人。