卡塔尔世盃结束1个月，国际足协公布收视数据，共15亿人观看决赛直播，整个赛事共50亿人收看及关注，各项数字都系新纪录。

有传媒统计，卡塔尔世盃决赛阿根廷对法国，收视人数高达15亿人，比超级碗收视多2亿人，欧联决赛据报系4亿人收看，远远不及卡塔尔世盃嘅收看人数。

带领阿根廷夺冠嘅队长美斯，於个人社交网发表夺冠1个月感想，佢留言称：「世界上最美好嘅1个月之一，我哋好疯狂，终於捧起梦寐以求嘅奖盃。

成为冠军令一切变得美好，我度过美好嘅1个月，拥有美好嘅回忆，想念我嘅队友，想念拍挡们，想念讲嘅说话，想念训练，想念我哋所做嘅一切......仲有家人、阿根廷人忘情庆祝，所有嘢都咁美好

感谢上帝赐予我咁多嘢，我知道我会得到，但无法想像实现之後，参加庆祝嘅人有几疯狂。」