阿仙奴今季喺英超成为争标份子，冬季转会窗致力加强兵源冲刺，据西班牙传媒报道，「兵工厂」睇中皇家苏斯达中场苏比文迪，甚至考虑支付6,000万欧元买断费，直接将呢位西班牙新星收归旗下！

阿仙奴中场位置兵力相对薄弱，亦系1月增援嘅重点位置，早前有传佢哋想向皇马借用卡马云加，但已被皇马拒绝。据西班牙《阿斯报》报道，阿仙奴对皇苏嘅23岁中场苏比文迪非常赏识，呢位球星系皇苏今季高踞3甲位置嘅重要原因，皇苏唔会轻易放人，但原来佢合约内有6,000万欧元买断条款，如果苏比文迪愿意转会，阿仙奴系有机会直接将佢买断。