近期成绩不断下滑嘅爱华顿，周六(21日)英超作客告韦斯咸2蛋，近7场联赛只系抢到1分，领队林柏特赛後承认爱华顿有可能降班，而佢嘅帅位问题亦「唔到自己话事」，暗示已做好被炒鱿嘅心理准备。

爱华顿喺上半场被查洛保云连入2球，作客0比2不敌韦斯咸，英超不胜走势增加到8场，依家佢哋同榜尾修咸顿一样得15分，近7仗1和6负嘅走势更加系英超最差嗰阵，令球队面临自1950/51球季後，首次喺顶级联赛降班。

爱华顿领队林柏特表示：「历史已经过去，冇人话爱华顿有权永远唔降班，我哋见证过大球会降班嘅情况，当你选择停止前进就会遇上麻烦，爱华顿依家就遇上大麻烦。」对於球迷要求佢下台，林柏特就回应：「我唔怕被炒，呢个唔到我话事，我依家只系每日谂方法改善球队成绩，就系咁简单。」