曼联近期成绩全面起飞，不过英格兰中坚哈利马古尼就冇乜参与，佢近期已经沦为球会第5号中坚，周日(29日)凌晨对雷丁难得正选上阵後，哈利马古尼就作出离队暗示，表明自己足球生涯从未经历呢种困境：「唔想习惯做大後备！」

曼联英足盃对雷丁一仗，只系哈利马古尼今季第8次正选上阵，除华拉尼同利辛度马天尼斯呢对正选中坚组合外，域陀连迪路夫同劳基梳尔最近都排喺哈利马古尼前面，堂堂英格兰国脚主力竟然沦为5号中坚，萌生离队念头亦系正常。

哈利马古尼赛後表示：「我已经29岁，之前未经历过咁嘅情况(长居後备)，呢个都系足球一部份，但我唔想习惯做大後备，我会一直努力练习等待机会。」