法国球星华拉尼周四(2日)宣布，佢已决定结束国际赛生涯，专注於为曼联比赛同抽多啲时间陪伴家人。呢位29岁球星喺2013年首次代表法国上阵，10年来为国家队踢过95场赛事，并且赢得2018年世盃冠军，成就非凡。

华拉尼喺个人社交网发声明话：「能够代表我嘅美丽国家征战10年，系我人生最大成就之一，每次着起呢件特别嘅蓝色波衫，我都觉得无比光荣......呢件事(退役)我已经考虑咗几个月，我认为依家系合适时间结束国际赛生涯。」

法国喺上年卡塔尔世界盃屈居亚军後，门将洛里斯已宣布退役，华拉尼虽然只系29岁，但由於频密赛程令佢身体出现伤患，所以决定退出国家队专注球会赛事，而且可以有更多时间陪家人。法国领队迪甘斯表示理解华拉尼嘅决定，并向佢作出致敬。