喺曼联入波停不了嘅拉舒福特，最近又因为超速驾驶食告票，今次系超速後畀交通警截停，结果被法庭罚款574镑(约5400港元)。

英国传媒报道，福仔日前驾驶一辆价值67万镑汽车经过曼彻斯特市，行经一段车速限制时速20英里路段，结果超速，其後被交通警截停。

在曼彻斯特地方法院，福仔承认一项超速驾驶罪，罚款574镑。其实福仔并非初犯，去年5月，佢曾经因为超速被罚扣6分，另加罚款。

虽然福仔驾驶态度有待改善，但佢喺球场上状态极为理想，连同上仗对列斯联头槌入波，今季英超累积攻入11球，连续6场联赛主场入波，连同各项赛事，今季为曼联攻入20球。