【有片】C朗激情再现 食大四喜创里程碑
2023-02-11 来源: 八一体育 点击
过去一年经历重重波折嘅C朗拿度,周五(10日)喺沙特阿拉伯联赛威番铺,佢成功食出「大四喜」,带领艾纳斯作客4比0大胜艾维达,继续坐喺榜首位置。C朗今场独取4球後,生涯累积联赛入球数突破500球大关,呢位葡萄牙球星全场表现兴奋,似乎已重拾踢足球乐趣。
C朗加盟艾纳斯後,头3场赛事只入过1球12码,不过今仗表现非常醒神,21分钟突破越位禁区内抽入远柱,完半场前佢喺右路快放,单刀射成2比0;53分钟艾纳斯获得12码,C朗操刀完成帽子戏法,8分钟後C朗再次单刀,第1脚射门虽被扑出,但佢成功补射入网,率艾纳斯大派4蛋。
今场第1个入波,系C朗生涯累积第500个联赛入球,母会士砵亭亦发文祝贺佢达到呢个里程碑。今场系C朗历来第11次「大四喜」(其中2次入5球),亦系佢连续第14季试过单场入3球或以上,虽然今仗系作客赛事,但全场球迷都一齐同C朗庆祝入波,佢完场後更罕有拎个波畀球证签名先带走。
C朗赛後喺社交网留言表示:「好开心可以入4球,而且喺1场稳固嘅胜仗中完成500个联赛入球里程碑!」艾纳斯主帅鲁迪加西亚亦表示:「C朗要时间适应新队友同比赛节奏,今场系美好嘅一仗,我对C朗嘅才华同适应力非常欣赏。」
上一篇:【有片】C朗激情再现 食大四喜创里程 | 下一篇:曼联女足反对格连活特回归 |
相关阅读
- 02-11曼联女足反对格连活特回归
- 02-11【有片】C朗激情再现 食大四喜创里程碑
- 02-11红魔大旧前锋数据太肉酸 面临被退货
- 02-11美职冠军有意借用奥巴美扬 车仔同意
- 02-11利物浦寻找文尼替身 吼实瑞士天才
- 02-11热刺黑气缠身 干地回归又到比苏马重伤
- 02-11安素法迪计划离开巴塞 经理人密斟阿仙奴
- 02-11拉舒福特又超速驾驶 罚款5400
更多>>精选阅读