沙拿、加普唛边个?比克福特残酷2选1被闹爆
2023-02-15 来源: 八一体育 点击
爱华顿上场爆冷击败阿仙奴後,周二(14日)凌晨「默西赛德郡打吡」吞利物浦2蛋,门将比克福特失嘅第1球更犯严重错误,佢面对穆罕默德沙拿同加普嘅反击,慌失失下竟然走错位去「无人地带」,睇住沙拿轻松射入空门。
利物浦开纪录一球来自快速反击,当时达云纽尼斯左路高速快放,沙拿同加普就喺近柱同远柱等接应,不过比克福特离奇选择唔理近柱嘅沙拿,移步去远柱加普嗰边,沙拿面对空门当然冇甩拖,但比克福特就被人闹爆。
利物浦名将加历查表示:「门将应该受到质疑,佢想去边?佢去咗个无人地带!」曼联名将加利尼维利亦同意:「比克福特真系好差,我完全唔明佢谂紧乜,佢送个空门畀沙拿射入。」3年前曾撞断华基尔云迪积克脚嘅比克福特,向来系晏菲路「不受欢迎人物」,完场前佢更同安德鲁罗拔臣爆冲突,後者挑衅性向住佢大笑羞辱,比克福特今场乜面都冇晒。
相关阅读
- 02-15小罗结束32天牢狱之灾,保释出狱
- 02-15曼城为哥帅离队做准备 头号目标系阿迪达
- 02-15沙拿、加普唛边个?比克福特残酷2选1被闹爆
- 02-15车路士「南美金靴」归队 保利最佳收购!
- 02-15「兵城战」临时换人 孭镬VAR球证被踢走
- 02-15曼联面对现实 今夏半价出售马古尼
- 02-15【有片】球迷落场打人 球员反击一拳KO
- 02-15转用3中坚火力减 AC米兰细味热刺
更多>>精选阅读