欧霸淘汰圈附加赛首回合周五(17日)凌晨展开，法甲球会南特作客祖云达斯前收到噩耗，喀麦隆前锋加拿高嘅5岁女日前不幸因病逝世，加拿高已经飞返家乡处理後事，肯定缺阵今场欧霸赛事。

据法国《队报》报道，加拿高嘅女儿近日得到重病，加拿高已经即刻飞返喀麦隆，可惜喺佢未返到去屋企，女儿已经与世长辞。加拿高已将twitter头像换成女儿相片，南特亦将社交网标志转为黑色，法国足总、多间法甲球会以及欧霸对手祖云达斯都有发文哀悼。

南特对祖云达斯一仗，正正系加拿高24岁生日，但呢位喀麦隆前锋肯定唔会出战。加拿高今季由朗斯转会南特後，各项赛事合共上阵24场攻入4球，但上年底世界盃决赛周，就无缘入选国家队26人名单。