虎父无犬子！英格兰名将碧咸嘅二仔罗密欧上月加盟宾福特B队，周二(14日)情人节终於拎到入波，佢喺补时3分钟「绝杀」，带领宾福特B队喺密德萨斯盃杀入8强。

20岁嘅罗密欧上月由国际迈亚密外借到宾福特B队，并已喺英超U21联赛中上阵，今场密德萨斯盃对威尔德斯通，宾福特B队亦有法兰安耶卡等一队球员上阵，两队激战踢成2比2情况下，後备上阵嘅罗密欧喺补时3分钟门前射入，助球队绝杀赢3比2。

之前频频入场睇波嘅碧咸，今仗未见踪影，不过罗密欧嘅足球天赋仍获网民大赞，宾福特领队法兰克早前亦表示：「罗密欧系个好出色嘅球员，当然佢有好大嘅名气，但罗密欧就系罗密欧，唔应该拎两父子做比较。」