葡萄牙球员星C朗拿度1月加盟艾纳斯後，迅即融入沙特阿拉伯嘅联赛同生活，佢哋2月份嘅4场联赛狂入8球，带领艾纳斯拎到3胜1和佳绩高踞榜首，毫无悬念咁当选沙特联赛2月份最佳球员。

38岁嘅C朗喺艾纳斯重拾足球快乐，2月份4场联赛有3场入波，包括一次「大四喜」同一次「帽子戏法」，证明自己仍然宝刀未老，而且艾纳斯目前以2分领先伊蒂哈德排榜首，令C朗有望再尝捧盃滋味。

除咗球场上面交足货，C朗喺场外嘅生活亦非常写意，早前同队友一齐庆祝沙特阿拉伯国庆日，之後又去欣赏拳赛，而且喺艾纳斯年薪达1.73亿镑，睇嚟C朗去沙特嘅决定似乎冇错。