热刺周日(19日)凌晨作客3比3打和修咸顿，呢场波除咗入波多，伤兵同样都好多，开波37分钟内就有4个球员先後受伤离场，热刺前锋李察利臣喊住口咁被换走，而修咸顿中坚碧拿历克更因为肋骨骨折要即刻送入医院治疗。

今场比赛上半场不断有球员受伤，难得正选嘅李察利臣只系踢咗4分钟，就怀疑因大腿旧患复发唔能够继续比赛，佢离场嗰阵更眼泛泪光，要孙兴民同哈利卡尼安慰。热刺喺37分钟再有宾戴维斯受伤，要由比列锡入替。

主队修咸顿亦唔好得几多，8分钟就有中坚贝拿高卓普膊头甩骹被换走，另一中坚碧拿历克亦撞到肋骨骨折，喺34分钟顶唔住要退下火线，两位中坚都要入医院治疗，预计将要休息一段时间，对修咸顿护级系极大打击。