曼联阿根廷小将加拿祖近期养伤，寻晚英足盃对富咸留喺屋企打气，佢喺个人社交网上载一张相片，被发现有一支电子烟，依家被广传，畀坦哈格知道後会点罚佢？

加拿祖喺上星期英超对修咸顿时受伤，要扶拐杖离场，其後证实伤及韧带，要休息数星期，寻晚英足盃对富咸，佢喺屋企睇波为队友打气，点知上载社交网张相「穿崩」有电子烟，虽然佢快快手删相，处理後再上载，但已被cap图疯传。

虽然吸烟系个人行为，其他人无权干涉，但加拿祖只得18岁，吸烟始终有影响，睇嚟坦哈格都要搵佢倾倾。

而且加拿度嘅纪律系有前科，季前集训期间佢试过开会迟到两次，被坦哈格禁止上阵，过咗一排先解禁，後来佢真系乖咗认真踢波，仲有唔错表现。