欧联8强次回合，拿玻里主场再战AC米兰。首回合A米赢1比0，亦系佢哋近期第2次击败拿玻里，今仗只要保住唔输就可以晋级，至於拿玻里就冇得保留，今场为收复失地肯定狂攻，佢哋主场有绩可寻，今届4场欧联主场全开3球或以上，2.5球入球大乃不二之选。 

拿玻里意甲夺冠在望，领先次席拉素14分，捧盃只系时间问题，可以专心欧联战线，最重要系主力前锋域陀奥森汉已伤愈，上仗意甲对维罗纳被安排後备上阵，令锋线回复锐利，球队近期冇咗呢位尼日利亚箭头，两次对A米都落败，今次有番佢就唔同讲法，但由於中坚金玟哉同中场森保安古沙停赛，後防唔够稳阵，加上前线挂住抢攻，後边好大机会失波。

AC米兰近期连续两次击败拿玻里，今仗再战有一定心理优势，佢哋近期并无伤兵，可以夫添出击，几位攻击球员伊斯美宾拿沙、拉菲尔利亚奥、巴谦戴亚斯都曾攻破对手大门，今场充满信心争取入球，上仗A米喺意甲留力之下，同博洛尼亚踢成1比1，明显为今场做定准备，加上次回合双方再无保留，随时上演入球骚。