现时排英超第5位嘅利物浦将於周日(7日)凌晨主场对宾福特，只要赢波就可以拉近同第4位曼联至只有1分距离，但领队高普却投降，认为红军已无法反超前红魔鬼。

高普话：「其他争前4位球队形势好好多，只要佢哋保持赢波，我哋就冇机会，我哋现时有59分，最後顶尽都系得71分，曼联现时有63分，佢哋只要余下5场再赢3场攞9分，我哋就玩完。」

此外，第6位白礼顿亦来势汹汹，虽然少利物浦4分，但踢少2场，有机会反超前，高普话：「边个话白礼顿唔可以赢晒余下联赛，只要佢哋踢出对曼联嘅表现，绝对有可能余下比赛全胜。」