纽卡素依家争紧英超前4，争夺来季欧联入场券，领队艾迪侯域坦言争前4其实冇咩压力，相比起以前球会冇钱出粮，冇钱找数嗰阵仲大压力。

45岁嘅艾迪侯域喺30岁时已经挂靴，转任般尼茅夫领队，2008至09球季因球会财政危机被扣17分，最终护级成功，其後更带领球队逐步升上英超，佢话：「我执教第1季，就要面对警察上门，球员被拖粮，债主追数冇钱还等情况，短短半年好似过咗10年咁耐，体验到好多教练成世人都未经历过嘅事。」

「我好感激有嗰段经历，令我心怀感恩，唔会有想当然嘅心态，亦唔会自满，我哋从未谂过欧联，但唔会停步，我哋对现时嘅成绩唔会满足，仲想赢得更多。」