艾云东尼违规赌波 被重罚停赛8个月
2023-05-19 来源: 八一体育 点击
宾福特前锋艾云东尼上年底被英格兰足总控告违规赌波,佢喺今年3月承认262条控罪入面多项指控,英格兰足总周四(18日)宣布,重罚呢位英格兰国脚停赛8个月,艾云东尼要到2024年1月先至可以再次上阵比赛,佢事後喺社交网表示对结果「失望」。
艾云东尼被控喺2017年至2021年间,多次违反英格兰足总赌波条例,虽然佢从未喺自己有份参与嘅赛事下注,但行为仍然系被禁止。足总判决声明表示:「艾云东尼被禁止参与任何足球相关活动8个月(直到2024年1月16日),并且罚款5万镑(约48.8万港元),即时生效。」艾云东尼喺停赛头4个月连操练都会被禁止,但获准喺最後4个月(9月17日开始)返球队练习。
今次停赛,意味艾云东尼将缺席英格兰国家队嚟紧嘅欧国外赛事,27岁嘅佢目前排英超射手榜第3位,佢喺社交网回应判罚话:「我收到停赛8个月嘅通知,当然非常失望,判决书仲未公开,所以我唔适宜多讲,但我要多谢家人、朋友、球会同球迷对我嘅支持,我要集中精神准备下年重返我最爱嘅足球。」
上一篇:欧洲冠军盃四强-曼城4-0皇马-曼城堂 | 下一篇:【官宣】利物浦4星季尾约满离队 |
相关阅读
- 05-19【日本足球】走进高锦,如实筑梦的梦想家 – 本
- 05-19【官宣】利物浦4星季尾约满离队
- 05-19车路士唔收手!2,000万欧元签16岁新星
- 05-19佐藤寿人:冈萨多力擒颓「鸟」
- 05-19英超最佳领队候选公布 坦哈格竟然冇份!
- 05-19艾云东尼违规赌波 被重罚停赛8个月
- 05-19希斯基:墨城擒悉尼 跻身总决赛
- 05-19姜愈老愈辣!寸王老江湖恰死少帅沙比
更多>>精选阅读