阿仙奴训练大本营近日出现一位新成员，系一只拉布拉多犬，取名「Win」，佢系领队阿迪达最新饲养嘅宠物，目的系要提振球队士气，改善气氛。

《泰晤士报》引述研究指出，抚摸狗头可以令人镇静，改善情绪同减压。阿仙奴早前去到争标关键时刻连场失分，由领先8分到依家即将失冠，队内压力沉重，气氛压抑，阿迪达近日喺训练基地养狗，认为咁样可以提振士气。

报道又指，阿迪达一直擅长激励士气球提升团队气氛，例如佢试过一次球队会议，拎住个灯胆到场，同球员讲：「呢个灯胆未驳电嘅话，佢咩都唔系。」仲有一次阿仙奴输畀利物浦，就喺基地不停播放《You'll Never Walk Alone》。

其实阿迪达一直有养狗，佢屋企就有一只价值2万镑嘅护衞犬，用嚟看门口，防止盗贼入屋。